မြန်မာနိုင်ငံစာပေ နှင့်စာနယ်ဇင်းအဖွဲ့ကြီးဟာ ယခင်က မြန်မာနိုင်ငံ စာပေလုပ်သား အဖွဲ့ကနေ ဆင်းသက်လာတာဖြစ်ပါတယ်။ နိုင်ငံ့အကျိုး၊ တိုင်းသူပြည်သားများ အကျိုးကို ကလောင်နဲ့စွမ်းဆောင်ကြသူများရဲ့ အဖွဲ့အစည်းကြီးပဲဖြစ်ပါတယ်။ ဒီအဖွဲ့ကြီးမှာ ဝတ္ထု၊ ဆောင်းပါး၊ ကဗျာ၊ ကျမ်း စသည်တို့ကို ရေးသားဖွဲ့ဆိုပြုစုကြတဲ့ စာရေးဆရာများ၊ သတင်းထောက်၊ သတင်းအယ်ဒီတာ၊ ဓာတ်ပုံသတင်းထောက်၊ ကာတွန်းဆရာစသည်တို့ ပါရှိတဲ့ သတင်းစာဆရာများ၊ စာအုပ်စာစောင် အမျိုးမျိုးကို ပုံနှိပ်ထုတ်ဝေဖြန့်ချိနေကြတဲ့ ပုံနှိပ်သူ၊ ထုတ်ဝေသူ၊ ဖြန့်ချိသူများ စသည်ဖြင့် အလွှာအသီးသီး ပါရှိပါတယ်။ အဲဒီနယ်ပယ်သုံးရပ်က စာပေလောကသားတွေ  မိမိတို့ နယ်ပယ်အလိုက် စုစုစည်းစည်း၊ ထက်ထက်မြက်မြက်၊ ထိထိရောက်ရောက် လုပ်ဆောင်နိုင်စေ ဖို့ မြန်မာနိုင်ငံစာရေးဆရာအသင်း၊ မြန်မာနိုင်ငံသတင်း စာဆရာအသင်း နဲ့ မြန်မာနိုင်ငံ ပုံနှိပ်ထုတ်ဝေဖြန့်ချိသူများအသင်းရယ်လို့ အသင်း(၃)သင်းကို ဖွဲ့စည်းတည်ထောင်နိုင်ရေးအတွက် ညီလာခံရဲ့ သဘောထားကို ရယူမယ်လို့ သိရပါတယ်။
ဒါ့အပြင် ပြောင်းလဲဖွဲ့စည်းသွားမယ့် သက်ဆိုင်ရာနယ်ပယ်အလိုက် အသင်းများမှ တစ်ဆင့် အနာဂတ်မှာ ပိုမိုစနစ်ကျသော၊ ပိုမိုအင်အား ကောင်းမွန်သော မီဒီယာဖက် ဒရေးရှင်း ကြီးတစ်ခု  ဒါမှမဟုတ် အသင်းချုပ်ကြီးတစ်ခုကို ပူးပေါင်း အကောင်အထည်ဖော်ရပ်တည် နိုင်အောင် ကြိုးစားဆောင်ရွက်သွားမှာဖြစ်တယ်လို့ သိရှိရပါတယ်။ ဒါကြောင့် ကနဦးအဆင့်မှာ အခြေခံ ခိုင်မာတောင့်တင်းသော အသင်းများ ပေါ်ပေါက်လာရေးအတွက် စည်းစနစ်ကျနသော ဖွဲ့စည်းပုံ၊ အခြေခံစည်းမျဉ်း လုပ်ထုံးလုပ် နည်းများ ရေးဆွဲအတည်ပြုနိုင်ရေး၊ ဒီမိုကရေစီ နည်းလမ်းတကျ ရွေးချယ်ဖွဲ့စည်းသွားနိုင်ရေးတို့ဟာ အရေးကြီးသော လုပ်ငန်းစဉ်များ ဖြစ်ကြောင်း မှာကြားလိုပါတယ်။
ယခုလိုပြောင်းလဲလာတဲ့ ခေတ်စနစ်များနဲ့အညီ အသင်းအဖွဲ့တွေကို ဖွဲ့စည်းခွင့်ရှိ လာချိန်မှာ  အတိတ်ကသမိုင်းသင်ခန်းစာတွေကိုလည်း ပြန်လည် ကြည့်ရှုသုံးသပ် မိကြဖို့ လိုအပ် မှာဖြစ်ကြောင်း ပြောကြားလိုပါတယ်။ တစ်နည်းအားဖြင့် ကျွန်တော်တို့တစ်တွေ အနာဂတ်မှာ ဘာတွေဆောင်ရွက်ကြမယ်ဆိုတာ စဉ်းစားမယ်ဆိုရင် အတိတ်မှာဘာတွေဖြစ်ခဲ့တယ်၊ လက်ရှိ မှာ ဘာတွေ လုပ်ဆောင်နေကြတယ်၊ ဘာတွေဖြစ်နေကြတယ်ဆိုတာကို ဆက်စပ်စဉ်းစား ဆွေးနွေးကြဖို့ပဲဖြစ်ပါတယ်။ နိုင်ငံ လွတ်လပ်ရေးရပြီးနောက် ၁၉၄၈ ခုနှစ်နဲ့ ၁၉၆၂ ခုနှစ် ကြားကာလကို ပြန်ကြည့်တဲ့အခါမှာ စာပေနဲ့ပတ်သက်တဲ့ အဖွဲ့ အစည်းပေါင်း(၂ဝ)ကျော်ခန့် ရှိခဲ့တာကို တွေ့ကြ ရမှာဖြစ်ပါတယ်။ အဲဒီအဖွဲ့အစည်းတွေမှာ ပါဝင်ဆောင်ရွက်ခဲ့ကြတဲ့ စာပေလောကသားများဟာ မူလမှာ မျိုးချစ်စိတ်၊ ဇာတိသွေး၊ ဇာတိမာန်များနဲ့ အမျိုးသားရေး အတွက် ကြိုးပမ်းဆောင်ရွက်ခဲ့ကြ ပေမယ့် နောက်ပိုင်းမှာတော့  နိုင်ငံရေးဝါဒစွဲ၊ ပုဂ္ဂိုလ်စွဲ၊ အုပ်စုစွဲ၊ ဂိုဏ်းဂဏစွဲတွေနဲ့ အရောင်ခြယ်ခံရမှုများကြောင့် သန်ရာ သန်ရာ အုပ်စုများ ကွဲသွား ကြပြီး စည်းလုံးညီညွတ်မှု ပျက်ပြားခဲ့ပါတယ်။ နောက်ဆုံးမှာတော့ သက်ဆိုင်ရာ အုပ်စုတိုင်း လိုလိုက မြန်မာစာပေနှင့် စာနယ်ဇင်းလောကအတွင်း ပုံနှိပ်ရေး၊ ထုတ်ဝေရေး၊ စာပေအဖွဲ့ အစည်းအားလုံးကို အပိုင်စီး လိုလာကြကာ အာဏာလုပွဲ၊ ဗိုလ်လုပွဲ တွေနဲ့ စာပေစစ်တလင်း ပုံစံဖြစ်ခဲ့ရပါတယ်။ အဲဒီလို အခြေအနေတွေေ ကြာင့် အဲဒီကာလများက စာပေလောက သားများဟာ တိုင်းပြည်နဲ့လူမျိုး အကျိုး၊ စာပေလောကအကျိုးကို တွင်တွင်ကျယ်ကျယ် မဖော် ဆောင်နိုင်ခဲ့သလို အမျိုးသားရေး ကိုလည်း ထိထိရောက်ရောက် မဆောင်ရွက်နိုင်ခဲ့ကြတာကို ယနေ့ တက်ရောက်လာကြသော ကိုယ်စားလှယ်တော်ကြီးများ အသိပဲဖြစ်ပါတယ်။ဒါကြောင့် အသင်းအဖွဲ့ အလိုက် ဖွဲ့စည်းဆောင်ရွက်ကြတဲ့အခါမှာ အစိုးရမဟုတ်သော အဖွဲ့အစည်းများပီပီ ပါတီနိုင်ငံရေး၊ ဂိုဏ်းဂဏကင်းသော၊ ပုဂ္ဂိုလ်စွဲကင်းသော စာပေလောက သားများ   ဖြစ်စေရေးကိုလည်း သတိပြုဆောင်ရွက်သွားကြဖို့ လိုအပ်မှာဖြစ်ပါတယ်။ အလားတူ  စစ်မှန်သော စတုတ္ထမဏ္ဍိုင်ဖြစ်စေဖို့ အသင်းအဖွဲ့အလိုက် ခိုင်မာတိကျသော မူဝါဒတွေ၊ လုပ်ငန်းစဉ်တွေ၊ စည်းမျဉ်းစည်းကမ်းတွေ၊ ကျင့်ဝတ်သဘောထားတွေကို အသေးစိတ် စနစ်တကျ ပြုစုရေးဆွဲသွားကြဖို့လည်း လိုအပ်မှာ ဖြစ်ပါတယ်။   နိုင်ငံတော်အစိုးရအနေနဲ့လည်း စတုတ္ထမဏ္ဍိုင်ဖြစ်တဲ့ စာပေစာနယ်ဇင်းလောကကို လေးစားတန်ဖိုးထားကြောင်း၊ ယုံကြည် အားကိုးကြောင်းသဘောထားရပ်တည်ချက် ကို ဖွင့်ဟပြောကြားထားခဲ့ပြီးဖြစ်လို့ စာပေ စာနယ်ဇင်းလောကသားများအနေနဲ့ အရည်အချင်းပြည့်ဝသော၊ ကျင့်ဝတ်နှင့်ညီညွတ်သော၊ တိုင်းပြည်နှင့်လူမျိုးအကျိုးကို သယ်ပိုးဆောင်ရွက်သော စစ်မှန်တဲ့ စတုတ္ထမဏ္ဍိုင်ဖြစ်လာအောင် ကြိုးပမ်းသွားကြဖို့ တိုက်တွန်းပြောကြားလိုပါတယ်။ ဒီမိုကရေစီနိုင်ငံကို တည်ဆောက်ကြတဲ့အခါမှာ ဒီမိုကရေစီကို အောင်အောင်မြင်မြင် ကျင့်သုံးနိုင်ဖို့ ဥပဒေပြုရေးမဏ္ဍိုင်၊ အုပ်ချုပ်ရေးမဏ္ဍိုင်နှင့် တရားစီရင်ရေးမဏ္ဍိုင်စသော မဏ္ဍိုင် ကြီး(၃)ရပ်ရှိပါတယ်။ ဒီမဏ္ဍိုင်တွေ တည့်မတ်နေဖို့အတွက် စတုတ္ထမဏ္ဍိုင်လို့ခေါ်တဲ့ စာပေ စာနယ်ဇင်းမဏ္ဍိုင်က ထိန်းကျောင်းပေးရမှာဖြစ်ပါတယ်။ ဒါ့အပြင် ဒီမိုကရေစီမှာ အရာရာကို အဆုံးအဖြတ်ပေး တဲ့ ပြည်သူဆိုသော မဏ္ဍိုင်ကြီးတစ်ရပ်လည်း ကျန်ရှိပါသေးတယ်။ ဒါကြောင့် ပြည်သူဆိုသော ပဉ္စမ မဏ္ဍိုင်ကိုလည်း အသိဗဟုသုတရှိဖို့၊ အကြောင်းအရာတစ်ခုကို မှန်မှန်ကန်ကန် ဆုံးဖြတ်နိုင်ဖို့အတွက် စတုတ္ထမဏ္ဍိုင်ဖြစ်တဲ့ စာပေနှင့်စာနယ်ဇင်းမဏ္ဍိုင်အပြင် ကျန်တဲ့ မဏ္ဍိုင်တွေအားလုံးကပါ လုပ်ဆောင်ပေးကြဖို့ လိုအပ်မှာဖြစ်ေ ကြာင်း ပြောကြား လိုပါတယ်။

ဦးတင့်ဆွေ စာတမ်းဖတ်ကြားနေစဉ်

မြန်မာနိုင်ငံ စာပေနှင့် စာနယ်ဇင်း အဖွဲ့နှင့် စင်ကာပူ အခြေစိုက် အာရှမီဒီယာ သတင်း အချက်အလက်နှင့် ဆက်သွယ်ရေး ဗဟို အဖွဲ့တို့ ပူးပေါင်း စီစဉ်သည့် ဒီမိုကရက် တစ် လူ့ အဖွဲ့အစည်း တစ်ခု အတွင်း မီဒီယာ ဖွံ့ဖြိုးတိုးတက်မှု အလုပ်ရုံ ဆွေးနွေးပွဲကို ဇန်နဝါရီ ၃ဝ ရက် နံနက် ၉ နာရီက ရန်ကုန်မြို့ အင်းလျားကန် ဟိုတယ်တွင် ကျင်းပ သည်။
အဆိုပါ အလုပ်ရုံ ဆွေးနွေးပွဲသို့ နိုင်ငံတော် သမ္မတ အကြံပေးပုဂ္ဂိုလ်များ၊ ပြန်ကြားရေး ဝန်ကြီးဌာနမှ တာဝန်ရှိသူများ၊ နိုင်ငံတကာ ပညာရှင်များ၊ ပြည်တွင်းမှ ပညာရှင် များ၊ စာပေ စိစစ်နှင့် မှတ်ပုံတင်ဌာနမှ တာဝန်ရှိ သူများနှင့် ပြည်တွင်းပြည်ပ မီဒီယာများ တက်ရောက်ကြသည်။

ဆွေးနွေးပွဲ ပထမနေ့ ပထမ ပိုင်းတွင် Media related Laws Responding to the Internet Age ခေါင်းစဉ်အောက်ဝယ် မလေးရှား၊ အင်ဒိုနီးရှားနှင့် ထိုင်းမှ ပညာ ရှင်များ က စာတမ်းများ ဖတ်ကြား တင်ပြကြပြီးနောက် စာပေစိစစ်နှင့် မှတ်ပုံတင် ဌာန ဒုတိယညွှန်ကြား ရေးမှူးချုပ် ဦးတင့်ဆွေကလည်း “Current Policy on Drafting Media Law” အမည်ရှိ စာတမ်းကို ဖတ်ကြား တင်ပြသည်။ မြန်မာနိုင်ငံတွင် မီဒီယာ ဆိုင်ရာ ဥပဒေများ ခေတ် အဆက်ဆက် ပြောင်းလဲလာပုံ တို့ကို တင်ပြဆွေးနွေးခြင်းဖြစ်သည်။
ထိုစာတမ်းဝယ် ယခု မူကြမ်း ရေးဆွဲထားသော မြန်မာနိုင်ငံ မီဒီယာ ဥပဒေနှင့် ပတ်သက်၍ ထည့်သွင်းတင်ပြခဲ့သည်။ ယခု စီစဉ်နေကြသည့် မီဒီယာ ဥပဒေမှာ ပုံနှိပ် မီဒီယာ များအတွက်သာ ဖြစ်ပြီး ယင်းဥပဒေ ကြမ်းကို နိုင်ငံတော် ရှေ့နေချုပ်ရုံးသို့ တင်ပြထားကြောင်း၊ ထို့နောက် ပြည်ထောင်စု လွှတ်တော်သို့ ဆက်လက် တင်ပြ၍ အတည်ပြုချက် ရယူရမည်ဖြစ်ကြောင်း ဦးတင့်ဆွေက ပြောကြားခဲ့သည်။ မီဒီယာ ဥပဒေ ကြမ်းတွင် အခန်း(၁ဝ)  ခန်းပါရှိရာ-
အခန်း(၁) အဓိပ္ပာယ်ဖွင့်ဆိုချက်များ
အခန်း(၂) စာရေးသူများနှင့် စာနယ်ဇင်းဆရာ များအတွက် ရပိုင်ခွင့်များ၊ တာဝန်များနှင့် ကျင့်ဝတ်များ၊ အခန်း(၃) စာအုပ် စာနယ်ဇင်း ထုတ်ဝေခြင်း ဆိုင်ရာ လိုက်နာရ မည့် အခြေခံ စည်းမျဉ်းများ၊ အခန်း(၄) စာပေ လွတ်လပ်ခွင့်နှင့် ကျင့်ဝတ်များ အကောင်အထည်ဖော်ရေး အတွက် စာနယ်ဇင်း ကော်မတီ၊ အခန်း(၅) ပုံနှိပ်၊ ထုတ်ဝေ ၊ ဖြန့်ချိသူများ မှတ်ပုံ တင်ခြင်း၊ အခန်း(၆) သတင်းစာများ၊ စာနယ်ဇင်းများ၊ စာအုပ်စာတမ်းများ ထုတ်ဝေခြင်း၊ အခန်း(၇) ယခု ဥပဒေပါ ပြဋ္ဌာန်းချက် များနှင့် ဆန့် ကျင် ကွဲလွဲခြင်းများ၊ အခန်း(၈) ပြည်တွင်းပြည်ပ ထုတ်ဝေ ဖြန့်ချိခြင်း၊ အခန်း(၉) ပြစ်ဒဏ်များ၊ အခန်း(၁ဝ) အထွေထွေ ပြဋ္ဌာန်းချက် များဟူ၍ အကြမ်းဖျင်း ပါရှိကြောင်း သိရ သည်။
”စာပေ စိစစ်ရေးက တာဝန်ရှိသူတွေ ဆိုတာဟာလည်း လူသားတွေ ပါပဲ။ သူတို့မှာလည်း လူ့ခံစားမှုနဲ့ လူ့ကျင့်ဝတ် ဆိုင်ရာ အမြင်တွေ ရှိတာပါပဲ။ သူတို့လည်း လွတ်လပ် မှုနဲ့ လွတ်လပ်စွာ တွေးခေါ် ပြောဆိုမှုတွေကို မြတ်နိုးတာပါပဲ။ ဒါပေမဲ့ သူတို့ တာဝန်ယူ ရတာက တင်းကျပ်တဲ့ စည်းမျဉ်းစည်းကမ်းတွေ အောက်မှာလေ။ ဒီတော့ ကာ ဘေးချိတ်သင့်တာတွေ ကို ဘေးချိတ်ထားပြီး လုပ်ရလေ တော့ကာ လူဆိုးတွေ လိုဖြစ်လာ တော့တာပါပဲ။
အဲဒီ အခြေအနေတွေအောက်မှာ ဘယ်ဟာကမှားပြီး ဘယ်ဟာက မှန်တယ် ဆိုတာ ဘယ်သူမှမပြော နိုင်ဘူး။ အခု ဆွေးနွေးပွဲမှာလို မပြောရဲကြဘူး”ဟု ဦးတင့်ဆွေ၏ စာတမ်း တွင် ပါရှိသည်။ လွန်ခဲ့သော ခေတ်များက စာပေစိစစ်ရေး ဝန်ထမ်း ဘဝများကို ပြန်လည် ရည်ညွှန်း တင်ပြခြင်း ဖြစ်သည်။
အင်ဒိုနီးရှားနိုင်ငံမှ အိုင်ဝန် အာဝါလူဒင်က Laws, Ethics and Media Freedom in Indonesia after Reformation ဟူသည့် ခေါင်းစဉ်ဖြင့် စာတမ်းဖတ် ကြား တင်ပြရာတွင် ခေတ်ပြောင်းပြီး ကာလ အင်ဒိုနီးရှား နိုင်ငံ၏ မီဒီယာ ဆိုင်ရာ လွတ်လပ်မှုများ၊ မီဒီယာ ဥပဒေပါ အချက်အလက် များကို ပြည့်စုံစွာ ရှင်းလင်း တင်ပြသွား သည်။
”အင်ဒိုနီးရှား ပုံနှိပ်ဥပဒေ အမှတ် ၄ဝ။ ၁၉၉၉ ဟာ တစ်မူထူးပါတယ်။ ဥပဒေကြမ်း ရေးဆွဲချိန်မှာ ပြည်သူ တွေဟာ အဲဒီ ဥပဒေအသစ်ဟာ ဘယ်လို ဖြစ်သင့်တယ် ဘာတွေ ပါ သင့်တယ် ဆိုတာတွေနဲ့ပတ်သက်လို့ သူတို့ရဲ့ အမြင်တွေ၊ အတွေးအကြံ တွေကို ပြောခွင့် တင်ပြခွင့် ရခဲ့တယ်”ဟု အာဝါလူဒင်က ပြောပါ သည်။
အလုပ်ရုံ ဆွေးနွေးပွဲ ပထမနေ့ဝယ်  စာတမ်းရှင် ၁၁ ဦး စာတမ်းများ ဖတ်ကြား တင်ပြကြရာဝယ် မြန်မာ စာတမ်းရှင်များမှာ ဦးတင့်ဆွေ၊ ဦးသန်းလွင်ထွန်း (ဗွီအိုအေ မြန် မာ ပိုင်း ဌာနမှူး) နှင့် ဦးဇေယျသူ တို့ ဖြစ်ကြသည်။
အလုပ်ရုံ ဆွေးနွေးပွဲ ဒုတိယနေ့ တွင် မီဒီယာ ဥပဒေကို အသေးစိတ် ဆွေးနွေး အကြံပြုကြသည်။ ၄င်းနောက် Capacity Development (စွမ်းရည် ဖွံ့ဖြိုး တိုး တက်ရေး) အတွက် သတင်းစာ သင်တန်းကျောင်း တည်ထောင် ဖွင့်လှစ်ရေးကို အသေးစိတ် ဆွေးနွေးကြပြီး၊ သင်တန်းကျောင်း ဖြစ်မြောက်ရေး ယာယီ ကော်မတီကို ဖွဲ့စည်း ကာ အလုပ်ရုံ ဆွေးနွေးပွဲကို ဇန်နဝါရီ (၃၁) ညနေပိုင်းတွင်ရုပ်သိမ်း ခဲ့သည်။

PN-002

]]> http://mwja.org/mmsite/archives/845/feed 0 http://mwja.org/mmsite/archives/839 http://mwja.org/mmsite/archives/839#comments Thu, 02 Feb 2012 11:49:46 +0000 mwja http://mwja.org/mmsite/?p=839 စာရေးသူသည် ရွှေမန်းဆီသို့ စာပေ ခရီးဖြင့် မြန်မာနိုင်ငံ စာပေနှင့် စာနယ်ဇင်း အဖွဲ့ ဥက္ကဋ္ဌကြီး ဦးလှ မြိုင် (ကိုဆောင်း) နှင့်အတူ လိုက်ပါခဲ့သည်မှာ ဆယ်စုနှစ်ခန့် ကြာခဲ့ ပြီ ဖြစ်သော်လည်း ယနေ့တိုင် မေ့မရ၊ သတိရနေဆဲ ဖြစ်ပါတယ်။ ယခုအခါ ဆရာကြီး ဦးလှမြိုင်မှာလည်း အသက်အရွယ် ကြီးရင့်လာခဲ့၍ ဥက္ကဋ္ဌ တာဝန်မှ အနားယူခဲ့ပြီး နာယက အဖြစ် ဆောင်ရွက်ဆဲဖြစ် ပါသည်။
၁၉၉၁ ခုနှစ်မှစ၍ ရန်ကုန်တွင် တာဝန် ထမ်းဆောင်ခဲ့ ရသဖြင့် ရွှေမန်းဆီသို့ မရောက်ဖြစ်ခဲ့သလို ဇာတိမြေ မြို့ရွှေဆည်ကိုလည်း မရောက်ဖြစ်ခဲ့သည်မှာ ဆယ်စုနှစ် တစ်ခုကျော် ရှိခဲ့ပါတယ်။
မန္တလေးမြို့သို့ ရောက်လျှင် နံနက် ၉ နာရီဖြစ်သော်လည်း မန္တ လေးမြို့၏ ဆောင်းတွင်း အအေးပို မှုနှင့်အတူ နှင်းမှုန်များကြားတွင် မန္တလေးမြို့ရှိ မြန်မာနိုင်ငံ စာပေနှင့် စာနယ်ဇင်း အဖွဲ့ဝင် ဒေါက်တာ မောင်မောင် (မောင်ဆင်ခြင်)၊ မန္တ လေး (၅) မြို့နယ်မှ နာယက ဦးခင်မောင်ကြီး၊ မြို့နယ်စာပေနှင့် စာနယ်ဇင်း အဖွဲ့ ဥက္ကဋ္ဌများ၊ အဖွဲ့ဝင် များ လာရောက် ကြိုဆိုနှုတ်ဆက် ကြပါတယ်။
မန္တလေး မြို့နယ်များမှ စာပေ နှင့် စာနယ်ဇင်း အဖွဲ့ဝင်များ၏ စီ စဉ်ထားရှိမှုအတိုင်း မြန်မာနိုင်ငံ စာပေနှင့် စာနယ်ဇင်းအဖွဲ့ ဥက္ကဋ္ဌ ဦးလှ မြိုင် (ကိုဆောင်း)၊ စာရေးသူ ဒေါက်တာ မောင်မောင်၊ မန္တလေး (၅) မြို့နယ်မှ မြို့နယ် စာပေနှင့် စာနယ်ဇင်း ဥက္ကဋ္ဌများ၊ အဖွဲ့ဝင်များ နှင့်အတူ ရှေးဦးစွာ ချမ်းအေးသာဇံမြို့နယ်၊ (၈၄) လမ်း၊ လက်ဆယ်ကန် ရပ်နေ စာရေးဆရာမကြီး ဒေါ်အမာ (လူထု ဒေါ်အမာ) (၈၆) နှစ် (ယခု ကွယ်လွန်) အားလည်း ကောင်း၊ လမ်း (၈ဝ)၊ (၃ဝ/၃၁) လမ်းကြား)နေ စာရေးဆရာမကြီး ဒေါ်အုန်း (အမ်အေ ဒေါ်အုန်း) (၈၇) နှစ် (ယခု ကွယ်လွန်) အားလည်း ကောင်း၊ (၁၉)လမ်း၊ အမှတ် (၈)၊ ဒေါနပွားရပ်နေ စာရေးဆရာကြီး ဦးကြည်မြ (ကြည်မြ)  (၈၃) နှစ် (ယခုကွယ်လွန်) အားလည်းကောင်း၊ အောင်မြေသာစံ မြို့နယ်၊ မဟာဇေ ယျာဘုံရပ်နေ စာရေးဆရာမကြီး မြန်မာစာ ပါမောက္ခ (ငြိမ်း)၊ ဒေါ်ခင် စော (ပါမောက္ခ ဒေါ်ခင်စော) (၈၃) နှစ်အား လည်းကောင်း၊ စစ်ကိုင်းမြို့ မှ မန္တလေးမြို့ ကမ္မဝါတန်း ရပ်တွင် ရောက်ရှိနေသော သတင်းစာဆရာကြီး ဦးညွန့်ရင် (၈၄) နှစ် (ယခု ကွယ်လွန်) တို့အား တစ်ဦးလျှင် ငွေ (၅ဝဝဝဝိ/-) (ကျပ် ငါးသောင်းစီ) နှင့် စာအုပ်များ၊ မြန်မာ တိုင်းရင်း ဆေးဝါးများနှင့် အတူ အိမ်တိုင် ရာရောက် ကန်တော့ခဲ့ ကြပါ တယ်။
ဆက်လက်၍ ညနေပိုင်းတွင် ချမ်းအေးသာဇံ မြို့နယ်၊ ဒေးဝန်းအ ရှေ့ရှိ ပြန်ကြားရေးနှင့် ပြည်သူ့ ဆက်ဆံရေး ရုံးခန်းတွင် မန္တလေး (၅) မြို့နယ်ရှိ စာပေနှင့် စာနယ် ဇင်း အဖွဲ့ဝင်များအားလုံးနှင့် မြန်မာနိုင်ငံ စာပေနှင့် စာနယ်ဇင်း ဥက္ကဋ္ဌ၊ ဗဟို အမှုဆောင်များနှင့် တွေ့ဆုံ ကျင်းပခဲ့ရာ အခမ်းအနားမှူး အဖြစ် မန္တလေးစာပေ အဖွဲ့ မှ ဒေါ်နုနုယဉ် (မေရှိရှား)မှ ဆောင်ရွက်ပါသည်။ ဗဟို အဖွဲ့ ဥက္ကဋ္ဌ ဦးလှမြိုင် (ကို ဆောင်း)က စာပေနှင့် စာနယ်ဇင်း အဖွဲ့၏ ရည်မှန်းချက် တာဝန်များ၊ ဦးတည်ချက် များကို အကောင်အထည်ဖော်ရေး၊ ရှေးလုပ်ငန်းစဉ်များ နှင့် ဗဟို မျက်နှာစုံညီ ကျင်းပမည့် အစီအစဉ် များကို ရှင်းလင်း ပြောကြားခဲ့ပါတယ်။ အဖွဲ့ဝင်များ ၏ မေးမြန်း ချက် များကို ဗဟိုဥက္ကဋ္ဌ အမှု ဆောင်များက ဖြေကြား ရှင်းလင်းခဲ့ ပါတယ်။ မန္တလေး (၅) မြို့နယ်၏ စာပေခရီး မဂ္ဂဇင်းထုတ်ဝေရန် အတွက် မြန်မာနိုင်ငံ စာပေနှင့် စာနယ် ဇင်း အဖွဲ့ဗဟိုမှ ထောက်ပံ့ငွေကျပ် လေးသောင်းကို ဥက္ကဋ္ဌ ဦးလှမြိုင် (ကိုဆောင်း)မှ ဗဟိုအဖွဲ့ကိုယ်စား ပေးအပ်ရာ မန္တလေး (၅) မြို့နယ် နာယက ဦးခင်မောင်ကြီးက လက် ခံ ရရှိပြီး ကျေးဇူးတင် စကားပြန်လည်  ပြောကြားခဲ့ပါတယ်။
နောက်တစ်နေ့ နံနက်တွင် မန္တလေးမှ ကျောက်ဆည်မြို့သို့ ထွက်ခဲ့ကြရာ  ကျောက်ဆည်မြို့ အဝင် ကြက်မန်းတွန် ဂိတ်မှ ကျောက်ဆည်မြို့နယ် စာပေနှင့် စာနယ်ဇင်း အဖွဲ့ ဥက္ကဋ္ဌ ဦးကျော်သန်းနှင့် အမှုဆောင်များက အသင့် စောင့်ကြိုနေကြပါသည်။ စာရေးသူ   ၏ ဇာတိချက်ကြွေ မွေးရပ်မြေ ကျောက်ဆည်မြို့သည် စာရေးသူ ငယ်စဉ် ကနှင့်မတူ အစစအရာရာ တိုးတက် ပြောင်းလဲနေသည်ကို မြင်တွေ့ရပါသည်။ ဆက်လက်၍ ကျောက်ဆည် မြို့နယ်ရှိ သတင်း စာဆရာကြီး ဦးသန်းထွန်း (၈၂) နှစ်ကို သွားရောက် ကန်တော့ကြ ပါသည်။ ဦးသန်းထွန်း နေအိမ်မှာ ပင် အသင့်ရှိနေကြသော ကျောက်ဆည် မြို့နယ် စာပေနှင့် စာနယ်ဇင်း အဖွဲ့ဝင်များနှင့် ဗဟိုအဖွဲ့ ဥက္ကဋ္ဌ၊ အ မှုဆောင်များ ဆွေးနွေးပွဲ ကျင်းပခဲ့ ကြပါတယ်။ ဥက္ကဋ္ဌ ဦးလှမြိုင် (ကိုဆောင်း)က စာပေနှင့် စာနယ်ဇင်းသမားများ တာဝန်နှင့် ရှေးလုပ်ငန်း စဉ်များကို ရှင်းလင်း မှာကြား ခဲ့ပါသည်။ မြို့နယ်စာပေနှင့် စာနယ် ဇင်းအဖွဲ့မှ အဖွဲ့ဝင် တစ်ဦးရေးဆွဲသော မြဝတီမင်းကြီး ဦးစပုံကို စာပေ နှင့် စာနယ်ဇင်း ဗဟိုတို့သို့ လှူဒါန်း ခဲ့ပါတယ်။ စာရေးသူ ၏ ဆွေမျိုးရင်း ချာများ၊ သူငယ်ချင်း မိတ်ဆွေ ငယ်ပေါင်းများနှင့် ငယ်စဉ်က အကြောင်းများ အားရပါးရ ပြောဖြစ်ကြ၍ အသက်ပင်ငယ် သွားသည်ဟုပင် မှတ်ယူမိ ပါတယ်။
အပြန် ခရီးတွင် ကျောက်ဆည် မြို့အထွက်၌ တည်ရှိသော ဆုတောင်းပြည့် စေတီတစ်ဆူ ဖြစ်သည့် ရွှေသိမ်တော် စေတီတော်ကြီးကို လည်း ဖူးမျှော်ကြည်ညိုခွင့် ရရှိခဲ့ ရာ ဂေါပကအဖွဲ့ဝင်များမှ ရှင်းလင်း ပြော ကြားခဲ့၍ စေတီတော်ကြီး၏ ဆု တောင်းပြည့်ပုံကို သိရှိခဲ့ရပါတယ်။
မန္တလေးမြို့သို့ ပြန်ရောက်ပြီး နောက်တစ်နေ့တွင် ရန်ကုန်မြို့သို့ ပြန်ခဲ့ကြပါသည်။ ဥက္ကဋ္ဌ ဦးလှမြိုင် (ကိုဆောင်း)နှင့် စာရေးသူတို့၏ စာပေ ခရီးစဉ်သည် အချိန် တိုတောင်းလှ သော်လည်း မန္တလေး၊ စစ်ကိုင်း၊ ကျောက်ဆည်မြို့များမှ အသက် (၈ဝ) ကျော် စာရေးဆရာကြီး၊ ဆရာမကြီးများကို အိမ်တိုင်ရာရောက် စာပေနှင့် စာနယ် ဇင်း ဗဟို အဖွဲ့ကိုယ်စား ကန်တော့ခဲ့ခြင်း၊ မြို့ နယ်စာပေနှင့် စာနယ်ဇင်း အဖွဲ့ဝင် များနှင့် တွေ့ဆုံ ဆွေးနွေးနိုင်ခဲ့ခြင်း စသည့် စာပေတာဝန်များ ဆောင် ရွက်နိုင် ခဲ့ပါသည်။
ကမ္ဘာ့နိုင်ငံ များတွင် မည်သည့် နိုင်ငံတွင်မှ မရှိသေးသော စာဆို တော်နေ့နှင့် သက်ကြီးစာပေ ပညာ ရှင်များကန်တော့ပွဲသည် မြန်မာနိုင်ငံ ၌ နှစ်စဉ် နိုင်ငံတော်အစိုးရမှ ကြီး မှူးကျင်းပပေးလျက်ရှိရာ မြန်မာနိုင်ငံ သားတစ်ဦးအနေနှင့် ဂုဏ်ယူမိပါ သည်။
သက်ကြီးစာပေပညာရှင်များ သည် စာပေပညာသတင်းစာပညာ တို့ဖြင့် တိုင်းကျိုးပြည်ပြုဆောင် ရွက်ခဲ့ကြရာ ယခုအခါ အသက် ၈ဝ ကျော် အိုမင်းမစွမ်းဖြစ်ချိန်တွင် အိမ်တိုင်ရာရောက် သွားရောက် ကန်တော့ခဲ့ရာ၌ ဤသက်ကြီး စာပေ ပညာရှင်ကြီးများက နိုင်ငံတော် အစိုးရနှင့် အလှူရှင် များအား ဆုမွန် ကောင်းတောင်းပေး ကြသည် ကို မြင်ခဲ့ကြားခဲ့ ရ၍ စာရေးသူ ဖတ်ဖူးမှတ် ဖူးခဲ့သော အင်းဝခေတ်မှ စာဆိုရှင် မဟာရဋ္ဌသာရ၏ တပည့်ဖြစ်သူ စာဆို အကျော်အမော် ရှင်တေဇောကာ ရ၏ ”ဓတရဋ္ဌ သုဝဏ္ဏဟံသပျို့” မှ ပညာရှင်များအား ချီးမြှောက် ပူဇော် သင့်ပုံကို စာဖွဲ့ခဲ့သော အောက်ပါ အပိုဒ်ငယ်ကို သတိရမိပါတယ်-
 ”နှစ်ခြိုက် ချစ်ကြည်၊ အရည်အလျောက်၊ သူကောင်း မြှောက်၍၊ လက်အောက်သိမြင် ကြီးရာတင်သည် တင်ရသို့” ဟု
ယနေ့ နိုင်ငံတော် အစိုးရသည် စာပေပညာရှင်များကို ထိုက်တန်သော အမျိုးသားစာပေဆုများ ချီးမြှင့်ပေးနေသလို စာပေနှင့် အကျိုး ပြုခဲ့သော စာပေ ပညာရှင်ကြီး များ ကိုလည်း နှစ်စဉ် ဂုဏ်ပြုချီးမြှင့် ထောက်ပံ့ပေးလျက် ရှိပါတယ်။ ထို့ပြင် ပုဂ္ဂလိက စေတနာရှင်ကြီးများ ဖြစ်သော ပခုက္ကူ ဦးအုံးဖေ တည်ထောင်သော ပခုက္ကူစာပေ ဆု၊ ဒေါက်တာ တင်ထွန်းဦး (သုတစွယ် စုံစာပေဆု)၊ ဆရာဝန် တင်ရွှေ (ဆရာဝန်ရွှေ စာပေဆု)၊ ဦးသိန်းထွန်း (ထွန်းဖောင်ဒေးရှင်း စာပေဆု) စသည့် စာပေဆု များ ပေါ်ထွန်းလာ လျက်ရှိခဲ့ပါတယ်။
ယခုအခါ ပြည်သူများ အတည်ပြု ပြဋ္ဌာန်းခဲ့သော ဖွဲ့စည်းပုံ အခြေခံဥပဒေအရ ပြည်သူလူထု များ၏ ဆန္ဒမဲဖြင့် တင်မြှောက်ခဲ့ သောသမ္မတကြီး ဦးသိန်းစိန် ဦးဆောင်သော အစိုးရ အဖွဲ့နှင့် ပြည်သူ့ ကိုယ်စားလှယ် လွှတ်တော်ကြီး (၄) ရပ်မှ ”စည်းကမ်းပြည့်ဝသော ဒီမိုကရေစီ” နိုင်ငံတော်ကြီး အဖြစ် ခပ် သွက်သွက် ပြုပြင်ပြောင်းလဲရေးများ ကို ဆောင်ရွက်နေချိန်ဖြစ်ပါတယ်။
မြန်မာနိုင်ငံ စာပေနှင့် စာနယ်ဇင်း အဖွဲ့ကြီးကလည်း ဥက္ကဋ္ဌ ဦးတင်လှိုင် (လယ်တွင်းသား စောချစ်) ဦးဆောင်ကာ နိုင်ငံတော် အစိုးရ၏ ခေတ်သစ် စနစ်သစ်သို့ အရှိန် အဟုန် မြှင့် ပြောင်းလဲ တည်ဆောက်နေမှု နှင့် ကိုက်ညီမည့် ”စာပေလောကသား များအတွက် စာပေ အကျိုး၊ တိုင်းပြည်အကျိုး ဖော်ဆောင် ရေးသား ပါဝင်နိုင်မည့် အဖွဲ့ အစည်းကြီး” အဖြစ် တစ်စုတစ်စည်း တည်း ရပ်တည်နိုင်အောင် ဖွဲ့စည်းပုံစည်းမျဉ်း အသစ်များ ရေးဆွဲကာ ဆောင်ရွက် လျက်ရှိပါကြောင်း တင်ပြလိုက်ရပါသည်။

ခင်မောင်ထွန်း (လမ်းမတော်)